Del güertu a casa. Alcuentru de productores y consumidores


Vienres 12 de mayu a les 20h. Del güertu a casa. Alcuentru de productores y consumidores. Con Laura Ibarra (agricultora agroecolóxica), Dolores Hoffman (socia trabayadora de Catasol S. Coop Astur) y Ana Finat (Grupo de consumo responsable, Cambalache). El Manglar.

Eider Goñi (Finca El Noceu)
La Finca El Noceu (Sariegu) tenta de construyir un proyeutu de
diversificación agroecolóxica caltenible, entamando pola recuperación de
semiente autóctona. Ponen hortalexa y otros productos pa l’alimentación de
manera totalmente ecolóxica, que vienden na propia finca y nel mercáu de La
Pola Siero.

Dolores Hoffman (socia de Catasol S. Coop Astur)
Catasol surde de delles necesidaes que s’atopen: crear un puestu de trabayu
dignu y dende’l que se xestione’l futuru del proyeutu, acceder a un consumu
saludable y llevar a la práutica un compromiso fonderu pa col mediu
ambiente, la caltenibilidá y la ética social.

Ana Finat (Grupu de consumu de Cambalache)
El grupu agroecolóxicu de consumu de Cambalache fai por ser un espaciu
d’alcuentru y reflexón sobre los productos que llevamos a la nuesa mesa.
Facemos por re-deprender coleutivamente a comer productos locales, de
temporada y sanos, al mesmu tiempu qu’afitamos un venceyu direutu ente
consumidores y productores.