Hestories piquiñines, la estrena lliteraria de Tante Blanco, ye un divertíu llibru de cuentos que reflexa la vida escolar de los años sesenta en cualquier pueblu d’Asturies. Pero ye daqué más, ye una de les obres más vendíes de la lliteratura asturiana última: esta ye yá la tercer edición d’unes hestories tan piquiñines como los sos protagonistes, enllenes de tenrura y d’humor, d’ironía, dacuando terribles, como lo ye la vida mesma.

Tante Blanco sabe escribir col frescor de quien vivió muncho de lo que cunta, cola sabiduría del narrador tradicional, pero también col oficiu del escritor modernu que ye quien a facer qu’una esperiencia personal torne en xeneracional y universal. Quiciabes esti sía’l secretu d’una obra que caltién l’interés y la frescura intactes, después de 15 años d’andadura.

Tante Blanco, nacíu en Tolivia (Llaviana), ye narrador, músicu y monologuista, amás de cofundador y exmiembru del grupu musical Los Berrones.