Valores en clave femenino
Trejo Fombella, Helena
Editorial: Grupu EPONA
ISBN: 8461135288
Publicación: octubre de 2006
Nº de páginas: 77
Precio: 7,00 €.
Estos trés rellatos amuesen unes coordenaes comunes por dos causes: la muyer como protagonista -incluyía la xaronca- y la propuesta de caltenimientu d'unos valores amenazaos nesta sociedá -o polo menos nun sector bien abondoso d'ella- materialista, falta d'humanidá, frívola, competitiva, consumista, superficial, dacuando vulgar ya infantilizada, enfotada namái na posesión de bienes materiales, chiscada de violencia y ababayada pola televisión, u la ética, la moral, el respetu, la educación los fíos y fíes, son, bien de vegaes, pallabres ensin dengún xacíu.
Como autora, naguo que los homes y muyeres llectores -pruyiríame enforma qu'abondo xente mozo s'asomare a estes páxines- faigan una reflexón al respective los testos, masque tamién alcuentren motivos pa rir, con risa muncho sano. Que vos preste.