La guerra de les sacaberes
Capek, Karel
Editorial: Trabe
ISBN: 9788480537568
Publicación: 2014
Nº de páginas: 336
Precio: 14,00 €.
La guerra de les sacaberes (Válka s mloky nel orixinal checu) foi publicándose per entregues nel diariu de Praga Lidové noviny (Noticies del Pueblu) ente los años 1935 y 1936.
Daquella, el nacionalsocialismu de l'Alemaña nazi yá ocupaba'l poder, con Adolf Hitler como canciller, y yá entamara unos años antes la persecución de xudíos, xitanos y demás xente distinto por uno o por otro.
Esta novela, traducida directamente del checu por Cesáreo García Fernández, ye una obra satírica, que constitúi l'alegoría perfecta que desplica, con una prosa cambiante y dende distintes óptiques, l'ascensu del totalitarismu, l'odiu al distintu o la esplotación obrera nuna Europa que, a la contra de Karel ?apek, mira de revisgu lo que pasa ensin ser a entendelo nin a saber (nin querer) paralo.
Karel ?apek (Bohemia, Imperiu austrohúngaru, 1890 - Praga, Checoslovaquia, 1938) ye ún de los escritores más importantes de la llingua checa. Narrador y dramaturgu, la so obra tuvo gran prestixu nos años anteriores a la Segunda Guerra Mundial, pa dir depués, pasín a pasu, perdiéndose nel escaezu.