Dobra ye una adolecente que, tantu por xenética como por interés personal, estima la música y lo que más esi instrumentu que ye capaz d'amosar composiciones estremaes... Sí, la so ma ye música. Pianista. Profesora de pianu nel Conservatoriu y Dobra heridare la estimanza pol mentáu instrumentu. Masque nun ye namái una estudiante d'Institutu, escolina nel Conservatoriu sinón que tien un pergrande enfotu en lluchar poles reivindicaciones feministes, anque tenga trece años. ¿Influencia materna? Quiciás. Ya ella anda referviendo como conocer y visibilizar les muyeres que nos sieglos pasaos tuvieron bien de problemes pa llograr un reconocimientu como compositores. Y quier que la sociedá s'entere. Sí, claro, de xuru hai persones que yá lo saen, masque la mayor parte de la sociedá desconocía que Wolfang Amadeus Mozart tuviere una hermana que canciaba perfectamente, tocaba'l clavicordiu, y tamién el pianu, masque la composición quedare... y como ella, otres. Poro, Dobra enfótase n'apurrir conocencia d'estes muyeres ya allampia por espublizar un llibru cola información afayadiza...