La moza d’ayeri, novela xuvenil que tenta d’averar a la xente mozo al pasáu de recién d’España, desenróllase en dos tiempos distintos: d’un llau nos años cincuenta del sieglu XX, en metada la dictadura franquista, cuando Nora, la madre de Colette, la protagonista, yera moza, y d’otru nos años de la transición a la democracia tres de la muerte del dictador. Centrada na vida de les muyeres y les torgues que la sociedá de la época-yos ponía pa tener una vida plena y llibre, Colette, que ta empezando la vida y mira’l mundu con otros güeyos, ha reblagar perriba dellos problemes familiares que-y van cambiar la vida y van facela madurar.