«Lo que había guardado ye un llibru de música onde la música calla, un llibru de cantares onde’l ritmu que resuena ye’l de la palabra escrita, l’ecu de les rimes al escuchu, el golpetéu de la tinta sobre’l papel. Por eso Alfredo, como bon fíu del so tiempu, va desgranándonos, páxina a páxina, poema a poema, la intrahistoria d’una autobiografía qu’abarca venti años, diez discos y un cientu de cantares. Nun ye esti un llibru al usu sinón más bien un llibru que se define precisamente polo que nun ye, polo que falta, poles ausencies. Un exemplu: l’ausencia de música tresforma les lletres en poema. Otru: l’autor/cantautor/compositor comenta los testos non pa desplicanos los sos misterios sinón precisamente pa danos pie a adentranos nel misteriu […]» Berta Piñán.