«Aguardábamos la primavera, les flores, los xuegos pel parque, los díes más llargos y los primeros xelaos, y de sópitu recibimos una invasión estraterrestre. Teníemos de tar enzarraos en casa. Teníemos d’adeprender a ser pacientes, acostumanos a llavar bien les manes; a espirriar y tusir nel coldu; a caltener la distancia con persones conocíes y desconocíes… Y avezanos a lo invisible».
Nesti llibru, neños y neñes que viven nun edificiu a siete andares, con átigu, un baxu con locales y dos suétanos d’aparcaderu enfréntense a una invasión y, ensin querer, descúbrennos secretos invisibles.
Premiu «María Josefa Canellada» de Lliteratura Infantil y Xuvenil 2021