¿Hubo narrativa enantes del Surdimientu? ¿Carecía la lliteratura asturiana de prosa lliteraria? Nesta antoloxía hai dalguna respuesta a eses preguntes. De la mano de la prensa y d'una muyer estraordinaria, Enriqueta González Rubín, la narrativa asturiana apaez alredor de 1860 y llega a publicar una novela en 1864. Depués, con mayor o menor fortuna, otros autores siguen publicando narraciones curties y llargues hasta los nuesos díes. L'antólogu restrexa nel prólogu l'orixe d'esta narrativa, la evolución y les causes de la desatención y olvidu de qu'hasta agora fora oxetu. Nesti llibru atopamos textos de: Fernández Flórez, Enriqueta Rubín, Santa Eulalia, Fabricio, Pachín De Melás, De Las Alas, Barbón, García Lueso, APG, Benimar... Esta antoloxía complétase con El cuentu asturianu tres la guerra, númberu 37 d'esta colección, tamién editada por Antón García.